ముంచి పెరిగినది

అన్నమయ్య ,  రెండే  పదాలతో  ఎంత పేద్ద  అంతరిక్ష విజ్ఞాన ఘటన ను  వివరించారో  చూడండి.
ఆయన మొత్తం  విజ్ఞానాన్ని  ఒక చిన్న  తిత్తిలో దాచేయగలిగిన  అఖుంథిత  ఆంధ్రభాషా పరిజ్ఞాని.
 

ఒకటవ  సంపుటంలో 468 సంకీర్తనలో , “    మూడు లోకములొక్కటఁ “ముంచి పెరిగినది “ అని ఒక విశేష తెలుగు ప్రయోగం చేశారు, అన్నమయ్య. 

ముంచడమేమిటి ? పెరగడమేమిటి? .    ముంచబడినవి  మూడులోకములు , తిరిగి  పెరిగినవీ  మూడులోకములే.   ముంచడం ఒక లోతుగల చోటే  జరుగుతుంది.   కనుక,  ఆ మూడులోకములు  వినాశమై మునిగిన చోటు , ఒక  “కుండ “ ను పోలివున్నది.  అందుండే,  ఆ   “సంజీవి “ లాంటి  “విష్ణు శక్తియుతకాంతి “ నుండే , మళ్ళీ త్రిలోకాలు  ఆవిర్భవించడం జరిగిందట. 

అంటే,    ఒక అద్భుత మైన , అసాధారణమైన,  అనూహ్యమైన, అఖండ సంఘటన అంతరిక్షఅంతరాళాలలో , ఎప్పుడో, ఎక్కడో,  జరిగితే , ఆ విషయాన్ని ,  అన్నమయ్య  రెండే రెండు ముక్కలలో ముచ్చ్చటగా చేప్పేశారు. 

అన్నమయ్య  సాహితీ ప్రతిభ  అద్భుతం, అమేయం . 

                          అన్నమయ్య తెలుగు